Blog Facebook Argazkiak Bideoak YouTube

  • Gure Proiektuak Euskara eta Euskal kultura bultzatzea, mantentzea eta zabaltzea ditu helburu. Horregatik,euskaraz hezi eta bizitzen gara ikastolan. Halaber, gure bailaran egiten diren ekintza, ekitaldi, ohitura eta ospakizunetan parte hartzen dugu, hauek baitira gure kulturaren atal garrantzitsu. Izan ere, horietan parte hartze aktiboa izanik, gure ikasleen kultura aberastu nahi dugu.
  • Gaitasunen garapenean oinarritua dago. Pertsonaren gaitasun orokorren (gaitasun kognitiboak, oreka pertsonalezkoak, motorrak, komunikatiboak eta gizarteratzekoak) garapena lehenetsi egiten du proiektuak, horiek baitira haurraren garapen orekatuaren eta ezagutzaz jabetzearen oinarriak. Gaitasunak era globalizatuan jasotzen dira, eduki mota desberdinen aldibereko lanketa bermatuz.
  • Ikaskuntza esanguratsuaren eta ikasle aktiboaren bila. Ikasleen bizipenean, esperientzian eta jolasen testuinguruan txertatutako ikas-prozesua, ikaslea gatazka kognitiboen aurrean jarri eta ikaskuntzaren eraikuntza autonomoa eta konpartitua bultzatuz.
  • Aniztasuna errespetatzen duena. Ikasleen garapen-prozesu indibidualak errespetatzen dituena.
  • Balioen eta jarreren hezkuntzarekin konprometitua. Ikasleen prestakuntza integrala lortu nahi dugu; hori dela eta, oinarrizko baloreei (elkarrekiko errespetua, laguntasuna, naturaren zainketa eta errespetua...) arreta berezia, sistematikoa eta kontzientea ematen diegu.
  • Lankidetza, lan pertsonala eta ikasteko ahalegina bultzatzen eta baloratzen dugu.

I.K.T. INFORMAZIO ETA KOMUNIKAZIO TEKNIKAK

Betidanik jakin izan du Baztan Ikastolak gizartean ematen diren aldaketetara egokitzen. Teknologi berrien inguruan ere erronka hori izan du ikastolak hasieratik. Horregatik ikastola IKT (Informazio eta Komunikazio Teknologia) deritzon proiektuan murgilduta dabil bete betean Nafarroako bertze ikastolekin.

Zentzu honetan, azpiegiturei dagokionez azkeneko urte hauetan izugarrizko aurrerakada eman dugu.Une honetan ordenagailu guztiak eta fotokopiagailuak sarean konektaturik daude; eta aurten, gainera, informatika gela berria osatu dugu, 15 ordenagailu berri eta proiektorearekin.

Haur Hezkuntza

Gela bakoitzak bere ordenagailua dauka sarean konektaturik. Ikasleak 3 urteekin hasten dira euren lehen urratsak ordenagailuaren aitzinean ematen. Haur Hezkuntzan gehien bat Ttantto, Txirritx eta Xangoren programak erabiltzen dituzte. Programa hauek lotura dute gelan lantzen ari diren gaiarekin eta beraien bitartez: ahozko hizkuntza, matematika, jokoak, ipuinak etab… lantzen dituzte. Ikasleen harrera ikaragarri ona da. Orokorrean oso gustukoak dituzte horrelako programak eta jakin-min handia erakusten dute.

Lehen Hezkuntza

Lehen Hezkuntzan 2 informatika gela dauzkagu, ordenagailu guztiak sarean konektaturik daudelarik.

L.H.ko 5. eta 6. mailan arbela digitalak ditugu beren proiektoreekin. 4. mailan ordenagailua eta proiektorea daude.

Horretaz gain, ikus-entzun gela bat daukagu, behar diren baliabide guztiekin.

Lehen hezkuntzan, hainbat jarduera IKT baliabideak erabiliz burutzen dira gelan. Proiektua arras aberasgarria eta erabilgarria da, gelan lantzen diren proiektuekin erabat lotuta dagoelako.

BIZIKIDETZA

Elkarrekin bizitzen ikastea da zalantzarik gabe hezkuntzak duen erronkarik garrantzitsuenetakoa. Ikastolan garrantzi berezia ematen diogu partaideen arteko bizikidetza baketsu eta lasaiari. Hori dela eta, diziplina positiboa, elkarrekin adostutako arauak eta gatazkak ebazteko estrategiak lantzen ditugu. Elkarrizketa eta hausnarketaren bitartez eguneroko arazoak eta gatazkak ebazten laguntzen diegu gure ikasleei.

Utilizamos cookies propias y de terceros para mejorar nuestros servicios. Si continúa navegando, consideramos que acepta su uso. Si continúa navegando, consideramos que acepta su uso. política de cookies.

  Acepto la política de cookies de este sitio
EU Cookie Directive Module Information