Blog Facebook Argazkiak Bideoak YouTube

IKASMATERIALA: MATERIAL PROPIOA

Gure ikasmaterialak haurra bere osotasunean hartzen du, hau da, haurraren gaitasun guztiak era globalizatuan lantzen ditu.

Unitate bakoitzeko gaia, hainbat ataletan zatituta dago. Unitateari, gehienetan, gaiarekin zerikusia duen ipuin batekin ematen zaio hasiera; ondoren, atal bakoitzaren inguruan, edukiak lantzeko: hizkuntzazkoak (horma-irudia, olerkiak, igarkizunak, tradiziozko abestiak, euskaraz jolasteko abestiak e.a.), matematikakoak, musikakoak, plastikakoak eta gorputz adierazpenekoak, nortasunari dagozkionak...jarduera desberdinak izaten dira. Bertzalde, unitate bakoitzean artelan bat behatu eta musika klasikoko obra baten ataltxo bat ere entzuten da.

METODOLOGIA: TXOKOAK

Haur Hezkuntzan ikasle bakoitzaren garapen orekatua eta globala daukagu helburutzat. Txokoetan jostatuz haurrak autonomoa izaten ikasten du eta ondorengo gaitasunak garatzen joaten da:

  • Bere barne mundua eta afektibitatea adieraztea.
  • Jokoan eta pentsaeran autonomia hartzea.
  • Bere gorputza ezagutuz eta garatuz joatea.
  • Euskara maitatzea.
  • Bertzearenganako kontzientzia hartzea eta errespetua izatea.
  • Guzien arazoetaz jabetzea.
  • Elkarrizketaren bitartez irtenbideak bilatzen ikastea.
  • Bere bizipenak bultzatzea.
  • Hizkuntza garatzea.
  • Oinarrizko kontzeptuak menperatzea.

Metodologia sistema honetan haurraren interesetik abiatzen gara: jolasa eta helduen munduaren imitazioa. Jolasa da gelen egituraren oinarria.

Gela 5 txokotan banaturik dago: ETXEA, DENDA, MARGOTEGIA, JOLASTOKIA eta ANTZOKIA.

- ETXEA: Helduen munduaren imitazioa.

- DENDA:Zenbakien munduan murgiltzen.

- MARGOTEGIA: Sormena lantzen.

- JOLASTOKIA: Teknologia berrien bitartez ikasten. Jolasen barruan dauden kontzeptu matematikoak landu eta dagokion hizkuntza ikasi.

- ANTZOKIA: Sormena, gorputz adierazpena, egituraketa espaziala, autonomia, sozializazioa eta psikomotrizitate finaren garapena landu.



INGELERA 4 URTEETATIK

“Ready for a story”, Finlandian, Italian, Frantzian, Euskal Herrian, Valentzian eta Katalunian esperimentatu den Ingeleseko metodoa da eta Haur Hezkuntzako haurrei zuzenduta dago. Josep Maria Artigalek, bere sortzaileak, metodo honetan parte hartzen duten irakasleekin elkarlanean jarduten du.

Ipuin errazak oinarritzat harturik ikasketari hasiera ematen diogu. Hauek antzeztuz, abestiak ikasiz, muralak landuz, jokoak eta fitxak eginez… ikasketak osatuz joaten gara.

Haurrek ez dute ingelera ikasten, INGELERAZ ikasten dute eta hasieratik emozio eta erranahiez beteriko hizkuntza erabiltzen dute. Hizkuntzak gauza erreal eta motibagarriak komunikatzeko direnean ikasten baitira.

Utilizamos cookies propias y de terceros para mejorar nuestros servicios. Si continúa navegando, consideramos que acepta su uso. Si continúa navegando, consideramos que acepta su uso. política de cookies.

  Acepto la política de cookies de este sitio
EU Cookie Directive Module Information